Հետաքրքիր

Սեմյոն Պեգովը (Wargonzo) հերքել է Արցախի նախագահի մամուլի քարտուղարի խոսքերը

Մենք @wargonzo նախագծում վերջ ենք դնում Արցախից մեզ դուրս հանելու մասին պատմությանը:

1. Մենք ռազմական թղթակիցներ ենք, մեր նախագիծն աշխատում է նախ առաջնագծում, ներքաղաքական իրադրությունն ու ինտրիգները մեզ չեն հետաքրքրում, դա մեր ուղղվածությունը չէ եւ այդպիսի խաղերում մենք ներգրավված չենք:

2. Արամ Գաբրիելյանովը @Aramcaramba ժամանակին կանգնած է եղել @wargonzo նախագծի ստեղծման ակունքներում, նա մեր ուսուցիչն է մասնագիտության մեջ և ընկերը՝ կյանքում: Ներկայում մենք աշխատում ենք տարբեր կազմակերպություններում, սակայն շարունակում ենք մարդկային շփումն անկախ մեր հայացքներից:

3. Իսկապես, պատերազմի սկզբում եղել է տհաճ իրավիճակ՝ կապված Պուտինի ընկերոջ՝ Ռոբերտ Քոչարյանի մասին մեր հրապարակման հետ: Հրապարակումը որոշակի արձագանք էր առաջացրել հայկական շրջանակներում, որոնք համակարգում են մամուլի աշխատանքը: Առանձին մարդկանցից մենք ստացել ենք ազդակներ, որ Արցախում մեր աշխատանքը կարող է խնդիրներ ունենալ, եթե մենք գոնե մասնակի չհերքենք այդ տեղեկատվությունը: Մենք հրաժարվել ենք դա անել, սակայն նախապատրաստել ենք գրառում, որ չենք զբաղվում քաղաքականությամբ եւ քաղաքական խաղերով: Դրանից հետո մեր նկատմամբ առանձին անձանց պահանջները հանվել էին: Մենք աննրբանկատույթւոն ենք համարում նրանց ազգանունները հրապարակելը, որոնք մեզ հետ նմանօրինակ զրույցներ են վարել:

4. Վահրամ Պողոսյանն իսկապես զանգահարել է @wargonzo նախագծի ղեկավարին եւ խնդրել արձագանքել Սոլովյովի եթերին: Սեմյոն Պեգովը պատասխանել է, որ նախ կդիտի եթերը, այնուհետեւ կարձագանքի: Մենք @wargonzo նախագծում չենք տալիս գնահատական հայտարարություններին, քանի դեռ չենք ուսումնասիրել դրանք: Սոլովյովի եթերում խոսքը վերաբերում է Գաբրիելյանովի եւ Պողոսյանի հեռախոսազրույցին: Դրա ամբողջ բովանդակությունը մենք չենք կարող իմանալ: Ուստի չենք մեկնաբանի:

5. @wargonzo նախագիծը մեկնել է Արցախից միայն այն պատճառով, որ ռազմական գործողությունները դադարեցվել են: Մենք ունենք աշխատանք այլ թեժ կետերում: Սակայն մենք պարտադիր կվերադառնանք Ստեփանակերտ առաջիկայում: Ոչ ոք չի կարող արգելել մեզ վերադառնալ եւ ոչ ոք մեզ դուրս չի հրավիրել:

6. Մեր տվյալները Շուշիում իրավիճակի մասին ոչ միշտ են համընկել Արցախի կառավարության պաշտոնական հայտարարությունների հետ, ինչի մասին մենք տեղեկացրել ենք մեր հետեւորդներին: Մենք նաեւ պատրաստ ենք երաշխավորել դրանց հավաստիությունը ցանկացած պաշտոնական անձի առջև:

7. Եվ վերջապես մենք նույնպես չենք համարում, որ ճիշտ է միտումը, որը ստեղծվել է հասարակությունում՝ բարդել տեղի ունեցած ողբերգությունը բացառապես այն տղաների վրա, որոնք պայքարել են ռազմադաշտում: Մենք @wargonzo նախագծում այդ առաջնագծում տեսել ենք տարբեր երեւույթներ եւ տարբեր մարդկանց: Այո, կային նաեւ նահանջողներ: Սակայն տասնյակ ավելի շատ էին մարդիկ, որոնք մինչեւ վերջ անձնազոհաբար պայքարում էին անհավասար պայմաններում: Եվ այդ մարդիկ սպասել են պատերազմից ցանկացած ելք, սակայն ոչ նահանջի հրաման: Սեւացնել նրանց անուններն ու ճակատագրերը՝ հանցագործություն է:

 

Click to comment

Leave a Reply

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

To Top
error: Չի կարելիիի !!