Նորություններ

Քիչ առաջ 9 միլիոն կաշառք տալու կասկածանքով ձերբակալվել է Արմավիրի նախկին քաղաքապետը

Ինչպես արդեն հայտնել ենք, ձերբակալվել է Արմավիրի նախկին քաղաքապետ, «Պատիվ ունեմ» դաշինքի պատգամավորության թեկնածու Ռուբեն Խլղաթյանը։

Տեղեկության համաձայն՝ Խլղաթյանը ձերբակալվել է ենթադրյալ կաշառք տալու կասկածանքով։

Freenews.am-ի տեղեկություններով` ձերբակալվածը 9 միլիոն դրամի կաշառք տալիս է եղել:

Իրավաբան․net-ի հետ զրույցում թեկնածուի փաստաբան Գայանե Պապոյանը նշեց, որ ձերբակալումը կրում է բացառապես քաղաքական հետապնդման երանգ։

«Ձերբակալման նպատակը ընտրություններից առաջ «Պատիվ ունեմ» դաշինքի քաղաքական գործունեությունը խոչընդոտելու նպատակ է հետապնդում»,-նշեց նա։

Պապոյանի խոսքով՝ Խլղաթյանին բերման են ենթարկել, երբ վերջինս իր մեքենայով երթևեկելիս է եղել։

Այլ մանրամասներ այս պահին հայտնի չեն։

Հիշեցնենք, որ 2018 թվականի հունիսին Ռուբեն Խլղաթյանը հրաժարական է ներկայացրել քաղաքապետի պաշտոնից։

Նա Արմավիրի քաղաքապետ է ընտրվել 2004թ., հետագայում վերընտրվել է, մինչ այդ զբաղեցրել է փոխքաղաքապետի պաշտոնը:

Խլղաթյանը «Պատիվ ունեմ»-ի ցուցակի 16-րդ համարն է։

Click to comment

You must be logged in to post a comment Login

Leave a Reply

To Top
error: Չի կարելիիի !!