Նորություններ

Ակնայում ադրբեջանցի է պայթել ականի վրա

Լեռնային Ղարաբաղում` Ակնայում, 10 օր առաջ կորած ադրբեջանցի տղամարդու դի է հայտնաբերվել, նա մահացել է ականի պայթյունի հետևանքով։ Մահվան դեպքի առթիվ հարուցվել է քրեական գործ:

Այս մասին հայտնում է «Սպուտնիկ Ադրբեջանը»։

Ինչպես հայտնել են շրջանի դատախազությունից, հունիսի 7-ին տեղեկություն է ստացվել Ակնայի շրջանի բնակիչ Ջասարաթ Խաթամխանովի (ծնված 1978 թ.) անհետացման մասին, իսկ հունիսի 16-ին շրջանում հայտնաբերվել է նրա մարմինը, փոխանցում է։

Հետաքննության արդյունքում պարզվել է, որ Ջասարաթ Խաթամխանովը մահացել է գյուղատնտեսական աշխատանքների ժամանակ հակահետևակային ականի պայթյունի հետևանքով:

Նշվում է՝ Ակնայի շրջանի Սեյդլի գյուղի բնակիչ Խաթամխանովը Գուզանլի գյուղում գերեզմանաքարերի արտադրության արտադրամասում որպես վարորդ է աշխատել: Նրա աշխատանքային  ուղևորություններից մեկի ընթացքում էլ նրա հետ կապը կորել է:

Դատախազության և ոստիկանության աշխատակիցները զննել են դեպքի վայրը, նշանակվել է դատաբժշկական փորձաքննություն և իրականացվել են այլ անհրաժեշտ դատավարական գործողություններ:

Հարուցվել է քրեական գործ:

Click to comment

You must be logged in to post a comment Login

Leave a Reply

To Top
error: Չի կարելիիի !!